Monday, September 10, 2018

හොරෙන් දැමූ පාටිය ඩිෂාන් සහ ඔහුගේ බිරිද ගේ හදිසි ලංකා ආගමනය සමගින් තවම මතක හන්තාන


පහුගිය දොහක සති අන්තයේදී ඩිෂාන් සහ ඔහුගේ බිරිද හදිසියේ ලංකාවට පැමිණෙන බවත් දවස් විසිඑකක් ලංකාවේ රැදී සිටින බවත් කෝල් කර දැනුම් දී සිටියේ ය. ඩිෂාන් සහ ඔහුගේ බිරීද මා එකල මා රැජිනගේ රටේ රස්තියාදු ගසමින් සිටින විට මගේ දුක සැප සොයා බැලුවේ සහෝදරයකුගෙන් නැති අඩුපාඩුව මට නොදැනෙන්නට ය. ඒදවස් වල කරපු සමහර උදව් පුළුවන් කමකට කර එව්වා නොවන්නට ඇති බව ආටියා ට වටහුනේ ගොඩක් කල් ගිය පසුව ය. එබැවින් මමත් බිරිදත් ඔවුන් ගේ ලංකා ආගමනය වෙනුවෙන් කටයුතු සූදානම් කරන්නට විය.  එකල දෙයක් වැටහෙන්නට කියා කියලා දුන්නේ රෝසි අක්කාත් එකල ඩිෂාන්ගේ පෙම්වතිය (වත්මන් ඔහුගේ බිරිද) ය. ඇය ඉගෙනීම වෙනුවෙන්ම කාලය කැපකර සිටි තැනතියක් වූ අතර බැජ් ටොප් ද විය .  මට වඩා වසර දෙකකින් වැඩිමහල් වූ ඔවුන් දෙදෙනාම වචනයේ පරිසමාර්ත අරුතින් ම බොක්කේ ෆිට් එකක් වූවෝ ය.

ඩිෂාන් සහ ඔහුගේ බිරිද ලංකාවට අවසන් වරට පැමිණෙන්නේ බොහෝ කාලයකට පසුවය . අවසන් වරට පමින්නේදී මම කසාද බැදලාවත් , බදින්න කියා කෙනෙක් හෝ අඩුම තරමේ පෙම්වතියක් වත් නොසිටි, ලෝකයෙන් හිතාමතා වහං වී කදු මුදුනක සිටි කාලයේ  බව මතකය මට මතක් කරදුන්නේ ෂණයකින්ය . අද මට බැදලා දරුවෙක් ද සිටින අතර කාලය වේගයෙන් ගමන් කරන බව මට වැටහී ගියේය . මේ ලියන්නට යන්නේ ඔවුන් ගේ ලංකා ආගමනය ගැන නොවන අතර ගිය සතියේ සිකුරාදා ඔවුන් දැමු මොලේ කොලොප්පන් වන වර්ගයේ පාටිය පිළිබදවද නොවේය.ඒ පාටිය ගැන ආටියා නොලියන්නේමය.එය රෝයල් පාක් තට්ටු නිවාස සංකීරණයේ කුලියට ගත් කාමර තුනකින් සමන්විත නිවසක දැමූ තිහට වැඩි අය විසින් දැමු පාටියක් ය .මෙය අපොස සාපෙළ ඉවර වී තාත්තා අම්මා නැති දවසක හොරට නිවසේ දැමු පාටියක් ගැන ය.අතීතමතක ලිහමින් ඒ සමගම ලියමින් යන මේ බ්ලොග් පඩංගුව තුල මේ වටිනා මතකය ඔහෙලාට කියන්නට තල්ලුවක් දුන්නේ මේ ඩිෂාන් සහ ඔහුගේ බිරිදගේ රෝයල් පාක් පාටිය ය .

නාඩියාගේ යාලුවෝ සෙට් එකේ කෙල්ලෙක් වූ පියුමි ගේ උපන්දින සාදයකට එකල රෝයෙල් ඉන්ස්ටිටුටියේ ගිය නසරානීන් වන අප සැමටද ආරාධානා කරනවා ය. කට්ටිය එදා දත මැදගෙන ගියේ මෙයද  එදා නාඩියාගේ ගේ ගෙදර පැවැත්වූ සාදය මෙන් ම වේ යැයි සිතා ය . අහෝ දුකකි තිතකි . එය සාම්ප්‍රදායික උපන්දින සාදයක් විය . ඇයගේ උපන්දිනය ගැන වැඩිමනක් කියන්නට නැත . එහෙත් එදා ආ අපේ ඉන්ස්ටිටුටියේ ගිය නසරානීන් සහ නාඩියාගේ යාලුවෝ සෙට් එකට අපේ නිවසට එන්න යැයි මම ආරාධනා කරන්නේ හරියටම තාත්තා අම්මා නැති දවසක් පාටිය සදහා යොදාගෙන ය.  සියල්ලන් ම එක පයින් කැමති වූ අතර කෙල්ලන්ට කොල්ලන් සිටිනවා නම් උන්ටද කොල්ලන්ට කෙල්ලන් සිටිනවානම් උන්වද (තාවකාලික හෝ) අරන් ආ හැකි බව දන්වා සිටියේ වැඩිමනක් ම  වැඩි වූ විට එකෙකුගේ ආරක්ශාවට තවෙකුසිටින නිසාය.

කොහොම කොහොමාරි හවස හය හත වෙද්දී එකා දෙන්නා පැමිණි අතර පාටිය පටන්ගද්දී රෑ නවය වගේ වෙලාය . ඒ වෙද්දී පැමිණි ගණන තිහකට හතළිහකට ආසන්න ය . ඔය අතර වාහන පාරදෙපැත්තේ නැවත් වීම නිසා වෙන්නට ගිය ලොකු බාල්දියක් පෙරලෙන්නට පෙර අනුනවයෙන් බේරාගත්තේ වාහන ටික අසල පාලු වත්තකට ගාල්කරන්නට හැකි වූ නිසාය . කොහොමත් වට පිට උන්ට ගෙවල් වල ගේට්ටු අවහිර වන විදියට වාහන නැවත්වීම මලපැනීමට තුඩු දෙන කාරනාවක් ය . කොහොම කොහොමාරි පාටිය දැන් නැගලා යනවා ය . එක එක බෝතල කඩෙන සැනින් අහවර වෙනවාය . දුම් වලාවන් නිවස පුරාය . හැමෝටම පට්ට වැඩිය . ආටියා ටද එමමය එසේමය . කොච්චර කුඩු වුවත් මීටරේ සුපිරියට ආටියාගේ වැඩ ය. නාඩියා ද බොහෝ විට මා අසලට වී සිටින අතර කටයුත් අඩුපාඩු හොයලා බලන්නේ ගෙදර කෙනෙක් වගේ ය.  සමහර කුඩේ කුඩු වූ පෙම්වතුන් වත්තම් කරගෙන නිවසේ කාමර වලට ගෙනියන පෙම්වතියන් ඇදවල් මත විට ඔවුන්ගේ ලෝක වල පාවෙනවා ය . සමහර උන් කාමර වල බාත් රුම් වල කබරයා දමනවා ය .  අප හිත මිතුරු DJ කරන ශාම් ට හෙන සැලකිලි ය . එක එක එකා ෂොට් එකක් අරගෙන් ඌ ගාව ය . මේ සක්වලින් ඕනේ නම් එහා සක්වලට යන්නට තරමේ රොකට් පාටිය පුරා ය. සමහර උන් පුටු උඩය , සෝෆා වල හතරගාතේ දාලාය . සමහර උන් බිම ය . වැඩි උන විට කෙල්ලන් කොල්ලන්ට එහාටය . මෙව්වා කියවන බ්ලොග් වාසී කෙල්ලන් ආටියා ගෙන් ගේම ඉල්ලන්ට එපා ය  . මෙව්වා සිරා සිද්දී ය . ඔය අතර හොදටම වැඩි වූ කෙල්ලෙක් කියන්නේ ඒකිට තමන්ගේ කොල්ල එපා කියා ය . එකී අසන්නේ Atty will you marry me? .... ඔන්න ඔය වගේ ය . වෙලාව පාන්දර  දෙකට වගේ ය . පාටිය මගේ පාලනයේන් ගිලිහී ගොඩක් වෙලා ය . දැන් පාටිය යන්නේ පාටියට ඕනෑ ලෙස ය . මගේ ඔලුව පලේන්නට තරම් රිදිල්ල ආවේ ඔය අතර ය . ඒ බව වටහාගත් නාඩියා මාව සහ තවත් එකියක් මාව වත්තම් කරගෙන ගොස් ඇදට දැමුවා වාගේ ලාවට මතක ය . ඔය අතර නාඩියා අයිස්‌ ක්‍රීම් කොහෙන්ද හොයා ගෙන මට කවන්නට විය . දැන් මුළු පාටියේ ම පොඩ්ඩක් හරි සිහිය ඇති උන් ඔක්කොම වගේ කාමරයේ ය . එකෙන් කියන්නේ වලියක් නිසා මෙහෙම වෙලා වග ය . එක එක උන් එක එක දේවල් කියද්දී නාඩියා ගේ අයිස්‌ ක්‍රීම් වලට පිංසිද්ධ වෙන්න ආටියා ගේ ඔලුව රිදිල්ල අඩුවෙනවා ය . මුන් සේරම අදවටේ ඉද්දී බැරිම තැන නාඩියා යටිගිරියෙන් කෑගසාහැමෝම පන්නා දමා දොරත් ලෝක් කරනවා ය .


නාඩියා සහ මම උදේ හතර වගේ වෙද්දී කාමරයෙන් එලියට එන විට පාටිය සොහොනක් වගේ වෙලා ය. සංස්කුතීන් සදාචර මෙතනට අදාල ම නැත . මේ පාටියේ හැටි ඔහොම ය . බාගෙට දොරවල් වහපු කාමර තුල මෙන් ම මහාසාලය මැද ද එක එක උන් සහ දෙන්නා තුන්දෙනා එකම ලොක්කයක තනිවන්නට ඇති බව මුන් සිටින විදියෙන් වැටහෙනවාය . කොහොම හරි උදේ හත වගේ වෙද්දී ගොඩ දෙනෙක් යන්නට සුදානම් වූ අතර නාඩියා සහ අයගේ මිතුරියන් ගේ රාජකාරිය වූයේ ඔවුන් ව පාරේ බැහැලා යන්නට හැකි අයුරින් සුදානම් කිරීම ය . අවසානයේ අපි කිහිප දෙනා නිවස මනුස්ස වාසස්තානයකට සුදුසු පරිදි සකසන්නට හෙන ගේමක් දෙනවා ය .


ධම්මික පෙරේරා ගේ ආර්ටිෆිෂල් ඉන්ටලිජන්

අද ගොඩක් දෙනෙක් ගේ මාතෘකාව ලෙස ධම්මික පෙරේරා පත්ව සිටී. ඒ ආර්ටිෆිෂල් ඉන්ටලිජන් සහ ඉදිරි ආර්තික දැක්ම නමැති මාතෘකාව නිසා ය.  ධම්මික පෙරේ...