“නමයයි පහ” සදා නිහඩ විය .

ප්‍රවීණ මාධ්‍යවේදී හේම නලීන් කරුණාරත්න කියන්නේ ප්‍රේක්ෂක ජනතාවගේ සිත් දිනාගත් ජනප්‍රිය නිවේදකයෙක්. අප අතරින් සමුගන්නා විට ඒ මහතා හේරිටේජ් ටීවි හි ප්‍රධානියා ලෙස කටයුතු කරමින් සිටියා. ඉස්සර ඉරිදා රාත්‍රී 8:30 ට ජාතික රූපවාහිනියේ යන ටෙලි නාට්‍යය විතරක් බලලා අපි නින්දට යන්නේ නැහැ.

හරියටම නමයයි පහට පටන් ගන්න හේම නලින්ගේ “නමයයි පහ” වැඩසටහන බලන්න පවුලේ හැමෝමෙ ආලින්දයට එකතු වෙනවා. මැලේසියාව, ජර්මනිය හා එක්සත් ජනපදයේ ලන්ඩන් නගරයේ ජන මාධ්‍ය ක්ෂේත්‍රය පිලිබඳ වැඩි දුර අධ්‍යාපනය ලැබූ ප්‍රවීණ මාධ්‍යවේදී හේම නලින් ‘Beyond 2000’ , ‘Lonely Planet ‘ වැනි විදෙස් වැඩසටහන් වලින් ආභාෂය ලබා ගෙන දේශීය මුහුණ වරකින් “නමයයි පහ” යන වාර්තා වැඩසටහන අප වෙත ගෙන ආවේ. නිවේදකයකුට වඩා දැවැන්ත මෙහෙවරක් රූපවාහිනී ක්‍ෂේත්‍රය තුළ ඉටු කළ අයෙක් වන හේම නලින් කරුණාරත්න මහතා සොබා සෞන්දර්යයට බොහොම ලැදි, සරල චරිතයක් ලෙස රසිකයන් අතර ප්‍රසිද්ධ වුණා.

ඉතිං ,

ප්‍රවීණ මාධ්‍යවේදී හේම නලින් කරුණාරත්න මැතිතුමනි මම ඔබ හට නිවන් සුව පතමි.