සිකුරාදට ජනෙල් වලිනුත් මිනිස්සු නගින
කොටුවෙන් හවස පහයි හතලිස් පහේ
ආයේ නුවර යන්න
මිනිස්සුන් ගෙන් තෙරපිලා ගමන් අරබපු කොච්චි පෙට්ටි ටික
රබුක්කණින් උඩහට යද්දී
පාලුවට යන හැටි ආයේ බලන්න
කට්ට කළුවරේ සීතලේ
තුන්වන පංතියේ මැදිරියකින්
ඈත පෙනෙන කදු වළල්ල දෙස ආයේ බලන්න
ඉහල කෝට්ටේ කඩිගමුව හරියේදී
මම විතරක් අන්තිමට ඉතුරුඋනු
පරණ රුමේනියන් කොච්චි පෙට්ටියක ආයේ නුවර යන්න
රුපියල් විස්සකට ගත්ත උණු හැලපයක් කාල
ලගටම ගෙනල්ල විකුණන කොපි කෝප්පයක්
සීතලේ ආයේ බොන්න
මැදිරි වලින් විහිදෙන නිවී නිවී පත්තුවන අඩු එළීබල්බ්
එක්ක අහසේ තරු
තරග කරන හැටි ආයේ බලන්න
මහා වැස්ස දවසක හෙළක් මැද කැඩුන කෝච්චියේ
උදව්වට එන්ජිමක් කඩුගන්නාවෙන් හරි රබුක්කනින් හරි එනකම්
රුමේනියන් කොච්චි පෙට්ටියක ආයේ සැපට නිදාගන්න
මම ආසයි ආයේ
පහයි හතලිස් පහේ
නුවර යන්න
